हुम्लामा नेपाल–भारत मैत्री अस्पताल भवनको शिलान्यास

भारत सरकारको सहयोगमा हुम्लाको चंखेली गाउँपालिका २ मा बन्ने नेपाल–भारत मैत्री अस्पताल भवनको शिलान्यास गरिएको छ ।

भारत सरकारको १४.८ करोड नेपाली रुपैयाँमा निर्माण हुने अस्पतालको जेठ २८ गते (बिहीबार) शिलान्यास गरिएको हो । उच्च प्रभाव सामुदायिक विकास परियोजनाको कार्यान्वयन हुम्लाको चंखेली गाउँपालिकामार्फत गरिने भारतीय दूतावासले जनाएको छ ।​​