एमालेमा ‘विद्या-अस्त्र’ प्रयोग गर्दै ओली

२१ फागुन २०८२ मा सम्पन्न चुनावमा अनपेक्षित पराजयपछि नेतृत्व छाड्नुपर्ने दबाब झेलिरहेका नेकपा (एमाले) अध्यक्ष केपी शर्मा ओलीले राष्ट्रपति विद्यादेवी भण्डारीको सदस्यता नवीकरण प्रस्ताव गरेर एमालेवृत्तलाई चकित पारेका छन्। ४ जेठमा भक्तपुर, गुन्डुस्थित ओली निवासमा बसेको पदाधिकारी बैठकमा उनले गरेको प्रस्ताव अनुमोदनसमेत भएको छ।

“अध्यक्ष ओलीले विद्या भण्डारीको सदस्यता नवीकरणको प्रस्ताव राख्नुहुन्छ भने अपेक्षा नै गरिएको थिएन,” एक केन्द्रीय सदस्य भन्छन्, “पार्टीका नेताहरूलाई सन्तुलनमा ल्याउन अध्यक्षले सदस्यता नवीकरणको कदम चालेको हुनुपर्छ।”