भोका यात्रुहरुका लागि सडकमै खाना

हेटौंडा ।

रसुवाको भोटेकोशीमा आएको बाढीका कारण मुख्य राजमार्गहरु अवरुद्ध भएपछि पूर्वपश्चिम राजमार्ग र त्रिभुवन राजपथमा यात्रुको चाप अधिक बढेको बेला घण्टौंसम्म बाटोमा भोकै यात्रा गर्न बाध्यहरुका लागि हेटौंडाका सामाजिक संघसंस्थाहरुले मानवीय कार्य सुरु गरेका छन् । राजमार्गहरु अवरुद्ध भएपछि वैकल्पिक मार्ग हुँदै काठमाडौं जाने यात्रु तथा चालकको चाप बढेसँगै हेटौंडामा निःशुल्क भोजन सेवा सुरु गरिएको हो । नागरिक समाजको अग्रसरतामा विपद्मा खाना खुवाउने कार्य थालिएको छ ।