घुमन्ते राउटेका लागि कर्णाली सरकारले ल्यायो घुम्ती सेवाको अवधारणा

सुर्खेत । कर्णाली प्रदेश सरकारले दक्षिण एसियाकै घुमन्ते तथा लोपन्मुख समुदाय राउटेका लागि घुम्ती सेवाको अवधारणा ल्याएको छ। ‘राउटे नीति’ नै बनाएर प्रदेश सरकारले राउटे समुदायको घुमन्ते जीवनशैलीलाई मध्यनजर गर्दै घुम्ती सेवाको अवधारण ल्याएको हो।

जस अन्तर्गत शिक्षा, स्वास्थ्य तथा पोषण सम्बन्धी सेवाहरू घुम्ती (मोबाइल) प्रणालीमार्फत प्रभावकारी रूपमा प्रवाह गरिने सामाजिक विकासमन्त्री घनश्याम भण्डारीले बताए। घुम्ती सेवा कार्यनीति अनुसार, राउटे समुदाय बसोबास गरेको स्थानमा आधारभूत शिक्षा दिने व्यवस्था मिलाइने उल्लेख छ । राउटेले कुनै बेला लेखपढ गरे पाप लाग्छ भन्थे ।