यो साता नेप्से : १२ अर्ब ८१ करोड बढीको कारोबार, बीमा र लघुवित्त समूहमा भोटेकोशी बाढीको असर

काठमाडौं – नेपाल स्टक एक्सचेञ्ज (नेप्से) मा साताको पहिलो कारोबार दिन सोमबार ठूलो गिरावटबाट सुरुवात भएपनि बाँकी तीन दिन भने निरन्तर उकालो लाग्यो । तथ्याङ्क अनुसार साताको पहिलो दिन सोमबार नेप्से ४३.८९ अंकले घटेर २,५१३.४२ विन्दुमा ओर्लिएको थियो ।

यद्यपि, मंगलबार ९.२४ अंक, बुधबार १५.४४ अंक, र बिहीबार ४.६६ अंकको क्रमिक सुधार भएपछि सोमबारको बन्द विन्दुको तुलनामा यो साता बजारमा कुल २९.३५ अंक अर्थात् १.१७ प्रतिशतको वृद्धि देखिएको छ । तर, अघिल्लो साताको अन्तिम बन्द विन्दु (२,५५७.३१) को तुलनामा भने यो साता समग्र बजार १४.५४ अंकले घटेर बन्द भयो ।