माथिल्लो त्रिशूली-३ ‘बी’ मा ठूला मेसिन पुर्‍याउनै सकस

१९ भदौ, काठमाडौं । रसुवाको बाढीपहिरोका कारण सम्पर्कविहीन भएका माथिल्लो त्रिशूली–३ ‘बी’ जलविद्युत् आयोजनाका कर्मचारी, कामदारको खोजी तथा उद्धारका लागि आयोजनास्थलमा तीनवटा एस्काभेटरले निरन्तर काम गरिरहेका छन् । त्रिशूली ३ बी मा १९१ जना कर्मचारी तथा श्रमिकहरू सम्पर्कविहीन छन् ।

आयोजनाकी उपनिर्देशक लीला अर्यालका अनुसार उद्धार टोलीले अहिले पुरिएको क्षेत्रमा एस्काभेटर प्रयोग गरेर भग्नावशेष तथा ठूला ढुंगा हटाउने काम गरिरहेको छ । तर, खोजीका क्रममा अहिलेसम्म भवन वा मानिस रहेको कुनै संरचना भेटिएको छैन ।