इप्पानको अधिवेशनमा किन छ विवाद ?

काठमाडौँ । जलविद्युत् प्रवर्द्धकहरूको छाता संस्था ‘स्वतन्त्र ऊर्जा उत्पादकहरूको संस्था, नेपाल’ (इप्पान) मा विवादका बिच २४औँ वार्षिक साधारणसभा तथा आठौँ अधिवेशन सुरु भएको छ । ऊर्जा, जलस्रोत तथा सिँचाइमन्त्री विराजभक्त श्रेष्ठले शुक्रबार बिहान २४औँ वार्षिक साधारणसभाको उद्घाटन गरे । ऊर्जामन्त्रीको उपस्थितिमा उद्घाटन सत्र सकेर अहिले बन्दसत्र सुरु भएको छ ।

तर नयाँ नेतृत्व चयनका विषयमा भने विवाद सिर्जना भएको छ । नयाँ नेतृत्वका लागि प्यानलसहित उम्मेदवारीसमेत दर्ता भइसकेको छ । अर्कोतर्फ भने विधान संशोधन प्रक्रिया पूरा नगरी निर्वाचन गर्न खोजिएको भन्दै महासचिव र उपमहासचिवलगायतले प्रश्न उठाइरहेका छन् ।