'पारि बच्चाहरू रून्छन्, वारि केही गर्न नसकेर हामी छटपटाइरहेका छौं'

'नेपाली सेनामा १२ वर्ष जागिर खाएँ, त्यसपछि व्यवसाय गरेको थिएँ,' रमेशले भने, 'अहिले मसँग शरीरमा भएको यो एक सरो लुगाबाहेक केही बाँकी छैन।'

नुवाकोटको विदुर नगरपालिका-१० का ४२ वर्षीय रमेश तामाङले नेपाली सेनामा १२ वर्ष सेवा गरेका थिए। पल्टनको कठोर अनुशासन र पसिनाबाट आर्जित कमाइलाई उनले नुवाकोटको भैंसे बजारमा होटल व्यवसायमा लगानी गरे।