केयूद्वारा एकैपटक सात दर्जन युवालाई रोजगारी

काठमाडौँ- काठमाडौँ विश्वविद्यालय (केयू) स्कुल अफ आर्टस्अन्तर्गतको ‘नेपाल समसामयिक अध्ययन केन्द्र (केयू–एनसीसीएस)’ ले एकैपटक सात दर्जनभन्दा बढी युवाका लागि रोजगारी तथा सेवाको अवसर सिर्जना गरेको छ।

केन्द्रले स्थानीय विकास मन्त्रालयको वृहत् ‘प्रदेश तथा स्थानीय शासन सहयोग कार्यक्रम’ र संयुक्त राष्ट्रसंघीय विकास कार्यक्रम (यूएनडीपी) नेपालसँगको साझेदारीमा ‘स्थानीय सरकार युवा संघीयता फेलोशिप’ कार्यक्रम सञ्चालनमा ल्याएको हो।