परीक्षा सुरु हुनुअघि प्रश्नपत्र लिक, साइबर ब्युरोद्वारा दुई जना पक्राउ

काठमाडौं । राष्ट्रिय परीक्षा बोर्डअन्तर्गत सञ्चालन भइरहेको कक्षा १२ को प्रश्नपत्र सामाजिक सञ्जालमार्फत सार्वजनिक गरेको आरोपमा प्रहरीले दुई जनालाई पक्राउ गरेको छ ।

नेपाल प्रहरी प्रधान कार्यालय, साइबर ब्युरोले प्रेस विज्ञप्ति जारी गर्दै प्रश्नपत्र सार्वजनिक गरी परीक्षा प्रणालीमाथि असर पुर्‍याउने कार्यमा संलग्न रहेको आरोपमा उनीहरूलाई नियन्त्रणमा लिएको जनाएको हो ।