हुम्ला–बाजुरा सीमा विवाद: आरोप–प्रत्यारोपका बिच कर्णाली करिडोर ठप्प, सर्वसाधारण मारमा

धनगढी । हुम्ला र बाजुराको सीमा विवादका कारण कर्णाली करिडोर तीन दिनदेखि पूर्ण रूपमा अवरुद्ध भएको छ । बाजुराको हिमाली गाउँपालिका–१, धुलाचौरमा बाजुराका स्थानीयले सडक बन्द गरेपछि खाद्यान्न र निर्माण सामग्री बोकेका सयौँ सवारी साधन र यात्रुहरू अलपत्र परेका छन् ।

सडक बन्द हुँदा अहिले त्यहाँको जनजीवनमा असर परेको छ । सीमा विवाद रहेका दुवै जिल्लाका स्थानीय तहका जनप्रतिनिधि भने एक अर्कोमाथि दोष देखाउँछन् । दुई जिल्लाका जनप्रतिनिधिबिच आरोप–प्रत्यारोपको स्थिति सिर्जना भएको हो ।