१० महिनामा १४ खर्बको आयात, सबैभन्दा बढी पेट्रोलियम पदार्थ

काठमाडौँ । चालु वर्ष २०८१/८२ को १० महिना (साउन–वैशाख) मा आयात निर्यात बढ्दा कुल वैदेशिक व्यापार १८.३७ प्रतिशतले बढेको छ । बुधबार सार्वजनिक भएको भन्सार विभागको तथ्यांकअनुसार आयात १३.११ प्रतिशतले बढेको छ भने निर्यात ७२.७७ प्रतिशतले बढेको छ ।

१४ खर्ब ७४ अर्ब १८ करोड रुपैयाँँको वस्तु आयात हुँदा २ खर्ब १७ अर्ब ९१ करोड रुपैयाँँ बराबरको वस्तु निर्यात भएका विभागको तथ्यांकमा उल्लेख छ । यसअनुसार यो अवधिमा १६ खर्ब ९२ अर्ब ९ करोड रुपैयाँँ बराबरको कुल वैदेशिक व्यापार भएको छ ।