सामुदायिक वनमा ३९ लाख बढी हिनामिना गरेको आरोपमा मुद्दा दायर

अख्तियार दुरुपयोग अनुसन्धान आयोगले सुर्खेतको चौकुने गाउँपालिका–१ स्थित मालिका सामुदायिक वनमा विभिन्न कार्यक्रमका रकम हिनामिना गरेको आरोपमा उपभोक्ता समूहका पूर्व पदाधिकारी तथा लेखापरीक्षकविरुद्ध भ्रष्टाचार मुद्दा दायर गरेको छ।

आयोगले उपभोक्ता समूहका पूर्व पदाधिकारी तथा लेखापरीक्षकविरुद्ध रु ३९ लाख १२ हजार ५६० रुपैयाँ ८४ पैसा हिनामिना गरेको आरोपमा विशेष अदालत काठमाडौंमा भ्रष्टाचार मुद्दा दायर गरेको हो।