भलिबलको वार्षिक क्यालेन्डर : काभाको तीन प्रतियोगिता आयोजनादेखि दुई फ्रेन्चाइज लिगसम्म

१८ साउन, काठमाडौं । नेपाल भलिबल संघ (एनभीएल) ले सेन्ट्रल एसियाको तीन प्रतियोगिता समावेश गर्दै वार्षिक क्यालेन्डर सार्वजनिक गरेको छ । एनभीएले सोमबार पत्रकार सम्मेलन गर्दै आर्थिक वर्ष २०८३/८४ का लागि २० कार्यक्रम समावेश गर्दे वार्षिक क्यालेन्डर सार्वजनिक गरेको हो ।

नेपाल भलिबल संघले यसलाई महत्वाकांक्षी वार्षिक कार्यक्रम भनेको छ । यस क्यालेन्डर अन्तर्गत एनभीएले काभाको तीन प्रतियोगिता नेपालमा आयोजना गर्ने लक्ष्य राखेको छ भने यसै वार्षिक क्यालेन्डरभित्र दुई फ्रेन्चाइज प्रतियोगिता समेत समावेश छ ।