१५ लाख ऋण तिर्न पोल्याण्ड पुगेका अमित ह्वीलचेयरमा नेपाल फर्किए

विराटनगर। टाउकोमा रहेको १५ लाख ऋणको भारी बिसाउने एउटा साधारण सपना बोकेर २०७९ सालमा पोल्याण्ड पुगेका इटहरी–१६ का अमितकुमार चौधरी शुक्रबार नेपाल आइपुगेका छन् ।

उनी आफ्नै गोडामा उभिन सक्ने अवस्थामा भने छैनन् । न त उनीसँग कमाएको धन नै छ । बरु उनको कम्मरमुनिको भाग पूर्ण रूपमा अचेत र असक्त छ । उनलाई ह्वीलचेयरको सहारा आवश्यक पर्छ ।