बिचौलियाको बिगबिगी र प्रशासनिक बेथितिबीच बालेन क्याबिनेटकी ‘बेस्ट पर्फमर’ मन्त्री रावल

काठमाडौं । भूमि व्यवस्था र सहकारी, जुन लामो समयदेखि बिचौलियाको बिगबिगी र प्रशासनिक बेथितिका कारण थला परेको थियो। मालपोत र नापी कार्यालय सर्वसाधारणका लागि दुःख दिने निकाय मात्र थिएनन्, घुसखोरीको अखडा पनि बनेका थिए। सहकारीले लाखौँ बचतकर्तालाई बिचल्लीमा पारेको छ।

संघीय मामिला तथा सामान्य प्रशासन। यो मन्त्रालय कर्मचारी सरुवा–बढुवामा मनोमानी गर्ने सोर्सफोर्सका आधारमा निर्णय गर्ने अखडा थियो। यी दुवै मन्त्रालय कर्मचारीको भने रोजाइमा थिए। किनकि, एउटा मालदार अड्डा थियो भने अर्को कर्मचारीको खटनपटन गर्न पाइने ठाउँ।