माथिल्लो त्रिशूली–३ ‘ए’ जलविद्युत् आयोजनाको सुरुङमा १० दिनदेखि फसेर उद्धार गरिएका सञ्जय साहले आफू फसेको स्थान आसपास अझै केही मानिस हुन सक्ने बताए

माथिल्लो त्रिशूली–३ ‘ए’ जलविद्युत् आयोजनाको सुरुङमा १० दिनदेखि फसेर उद्धार गरिएका सप्तरीका सञ्जय साहले आफू फसेको स्थान आसपास अझै केही मानिस हुन सक्ने बताएका छन् ।

नेपाली सेनासँगको कुराकानीका क्रममा साहले सुरुङभित्र आफूले केही मानिसको कुराकानीसमेत सुनेको बताए । उनका अनुसार पावर हाउस क्षेत्रमा समेत दुर्घटनापछि बाहिर निस्कन नसकेका मानिसहरू हुन सक्ने सम्भावना छ ।