न्युजिल्यान्डका ब्याटर केन विलियमसनद्वारा अन्तर्राष्ट्रिय क्रिकेटबाट सन्यासको घोषणा

काठमाडौं । न्युजिल्यान्डका सबैभन्दा सफल र सबै फर्म्याटमा सर्वाधिक रन बनाउने ब्याटर केन विलियमसनले अन्तर्राष्ट्रिय क्रिकेटबाट सन्यासको घोषणा गरेका छन् । न्युजिल्यान्ड क्रिकेटले सामाजिक सञ्जाल ‘एक्स’ मार्फत यसको औपचारिक जानकारी दिएको हो ।

विलियमसनको यो घोषणासँगै उनको १६ वर्ष लामो गौरवशाली अन्तर्राष्ट्रिय क्रिकेट करियरको अन्त्य भएको छ । यस अवधिमा उनले आफ्नो देशका लागि ३७८ खेल खेल्दै अनगिन्ती ब्याटिङ कीर्तिमानहरू बनाए भने क्रिकेट जगतमा उच्च सम्मान र प्रशंसा प्राप्त गरे ।