भारतमा डाबरका मह र गाईको घिउ बिक्रीमा रोक

काठमाडौं- भारतको खाद्य सुरक्षा तथा मापदण्ड प्राधिकरणले डाबर इन्डियालाई आफ्ना विभिन्न खाद्य उत्पादनमा भ्रामक रूपमा ‘शतप्रतिशत शुद्ध’ लगायतका दाबी प्रयोग गरेको भन्दै ती उत्पादनको बिक्री तत्काल रोक्न निर्देशन दिएको छ।

प्रतिबन्धमा डाबरको मह, गाईको घिउसहित अन्य केही खाद्य सामग्री पनि परेका छन्। साथै प्राधिकरणले कम्पनीसँग १५ दिनभित्र आदेश कार्यान्वयनबारे प्रतिवेदन पेश गर्न पनि निर्देशन दिएको छ।