कांग्रेसको वडा अधिवेशन निर्धारित समयमा नहुने

१९ साउन, काठमाडौं । नेपाली कांग्रेसले पूर्वनिर्धारित वडा अधिवेशनको मिति पछाडि धकेल्ने भएको छ । कांग्रेस महामन्त्री प्रदीप पौडेलले २ भदौका लागि तय गरिएको वडा अधिवेशन पछि सारिने बताएका हुन् ।

उनले अनलाइनखबरसँगको अन्तर्वार्तामा अधिवेशन सुरु गर्न प्राविधिक समस्या नभए पनि वडा अधिवेशन पछि सारिने बताएका छन् । राजनीतिक कारणले सदस्यता अद्यावधिक प्रक्रियामा सहभागी नभएकाहरूलाई समेट्ने अन्तिम प्रयास भइरहेकाले वडा अधिवेशन सारिन लागिएको पौडेलको भनाइ छ ।