जब डल्फिन मृत बच्चा बोकेर छ दिनसम्म पौडीरह्यो

नवजात बच्चाप्रतिको अगाध ममता र गहिरो शोकका कारण एउटा डल्फिनले सबैको ध्यान खिचेको छ। अष्ट्रेलिया नजिकै हिन्द महासागर र ग्रीसको एम्ब्रेसियन खाडीमा दुई वटा आमा डल्फिनले आफ्ना मृत बच्चालाई समुद्रमा बोकेर हिँडेका दृश्य सार्वजनिक भएका छन्।

अष्ट्रेलियाली संरक्षण संस्था जियोग्राफ मरीन रिसर्चले सार्वजनिक गरेको ड्रोन फुटेज अनुसार ‘फ्रेगल’ नाम दिइएकी पोथी डल्फिनले दुई साताअघि जन्मिएको आफ्नो मृत नवजात बच्चालाई लगातार छ दिनसम्म बोकेर समुद्रमा पौडी खेलिरहेको देखिएको छ। यसअघि नै चारवटा बच्चा गुमाइसकेकी फ्रेगलको यो भावुक क्षणमा अन्य डल्फिनहरूले पनि साथ दिइरहेको दृश्य भिडियोमा कैद भएको छ।