‘स्पाइडर-म्यान : ब्रान्ड न्यु डे’ द्वारा इतिहासकै दोस्रो ठूलो विश्वव्यापी ओपनिङ

सुपरहिरो फिल्म ‘स्पाइडर-म्यानः ब्रान्ड न्यु डे’ले विश्वव्यापी टिकट बिक्रीबाट ९२७ मिलियन अमेरिकी डलर कमाउँदै इतिहासकै दोस्रो ठूलो ओपनिङ सप्ताहन्त हासिल गरेको छ । फिल्मले आफ्नो अनुमानित २२५ मिलियन डलरको निर्माण बजेटलाई पनि सहजै उछिनेको छ ।

वास्तविक जीवनका श्रीमान-श्रीमती टम हल्यान्ड र जेन्डाया अभिनीत यो फिल्म विश्वव्यापी ओपनिङका आधारमा ‘एभेन्जर्सः इन्डगेम’भन्दा मात्र पछाडि छ । सन् २०१९ मा प्रदर्शनमा आएको ‘इन्डगेम’ले पहिलो सप्ताहन्तमा १.२ बिलियन डलरभन्दा बढी कमाएको थियो ।