गण्डकीले खोल्यो गाँजा खेती गर्ने बाटो, विद्यमान कानुनसँग 'बाझिने' विषयमा सिंहदरबार के भन्छ

गण्डकीका प्रदेश प्रमुखले सोमवार प्रमाणीकरण गरेको 'गाँजासम्बन्धी विधेयक' अन्य प्रचलित कानुनसँग बाझिन सक्ने भन्दै विभिन्न कोणबाट चासो व्यक्त हुन थालेको छ। तर सङ्घीय सरकारको कानुन मन्त्रालयका अधिकारीहरूले भने त्यसबारे अध्ययन हुनै बाँकी रहेको बताएका छन्।

विधेयक प्रमाणीकरण भएसँगै गण्डकी प्रदेश सरकारका अधिकारीहरूले गाँजा खेतीका निम्ति कानुनी बाटो खुलेको बताइरहँदा कानुनी मामिलाका कतिपय जानकारहरूले "सङ्घीय र अन्तर्राष्ट्रिय कानुनहरूसँग तादात्म्य नदेखिएको" भन्दै त्यसको कार्यान्वयनलाई चुनौतीपूर्ण ठानेका छन्।