नेपाल–भारत आभूषण सहकार्य विस्तारमा जोड, भारतीय जीजेईपीसीका असिस्टेन्ट डाइरेक्टर अजय पुरोहितलाई सम्मान

काठमाडौं– नेपाल र भारतबीच रत्न तथा आभूषण व्यवसायमा सहकार्यलाई थप मजबुत बनाउने उद्देश्यसहित नेपाल राष्ट्रिय सुनचाँदी व्यवसायी मञ्चले भारतको Gem & Jewellery Export Promotion Council (GJEPC) का इन्टरनेशनल इभेन्ट्सतर्फका असिस्टेन्ट डाइरेक्टर अजय पुरोहितलाई स्वागत तथा सम्मान गरेको छ ।

कार्यक्रममा मञ्चका अध्यक्ष खेम तिरुवाले दुवै देशका व्यवसायीबीच व्यापारिक सम्बन्ध विस्तार, अन्तर्राष्ट्रिय प्रदर्शनीमा संयुक्त सहभागिता तथा व्यवसायिक सहकार्यलाई अझ प्रभावकारी बनाउने विषयमा छलफल भएको जानकारी दिए। उनले नेपाली आभूषण उद्योगलाई अन्तर्राष्ट्रिय बजारसँग जोड्न जीजेईपीसीजस्ता संस्थासँगको सहकार्य अपरिहार्य रहेको बताए ।