सुकुम्बासी समस्या समाधानमा सरकारलाई साथ दिन एमाले तयार छ : पद्मा अर्याल

काठमाडौं । नेकपा (एमाले) ले भूमिहीन सुकुम्बासी तथा अव्यवस्थित बसोबासीको समस्या समाधानका लागि सरकारलाई आवश्यक सहयोग गर्न आफू तयार रहेको जनाएको छ। उसले यी दुई समूहको समस्या छुट्टाछुट्टैरूपमा नभइ एकीकृत नीतिमार्फत समाधान गर्नुपर्ने धारणा पनि राखेको छ।

प्रतिनिधिसभाको मंगलबारको बैठकमा ‘भूमिहीन, सुकुम्बासी तथा अव्यवस्थित बसोबासी नागरिकको अवस्था र व्यवस्थापन’ सम्बन्धी सार्वजनिक महत्वको प्रस्तावमाथिको छलफलमा बोल्दै एमाले सांसद पद्मा अर्यालले सुकुम्बासी समस्याको दीर्घकालीन समाधानका लागि सरकारले अघि बढाउने पहलमा आफ्नो पार्टी सकारात्मक रूपमा सहकार्य गर्न तयार रहेको बताइन्।