उपेन्द्र यादवलाई प्रश्न- शक्तिहीन भएपछि अस्तित्व बचाउन मोर्चाबन्दी कस्न लाग्नुभएको हो ?

माओवादी केन्द्र फुटाएर प्रगतिशील लोकतान्त्रिक पार्टी बनाएका जनार्दन शर्मा, जनमत पार्टीका अध्यक्ष सीके राउत, जनता समाजवादी पार्टी नेपालका अध्यक्ष उपेन्द्र यादव, आम जनता पार्टीका अध्यक्ष प्रभु शाह सहित नागरिक उन्मुक्ति पार्टीका नेतृत्वहरू एक ठाउँमा आउन लागेका छन् ।

साउन २३ गते काठमाडौँमा एउटा कार्यक्रम गर्दै सात राजनीतिक दलहरूले संयुक्त मोर्चा घोषणा गर्न लागेका हुन् । जनता समाजवादी पार्टी नेपालका अध्यक्ष उपेन्द्र यादवका अनुसार २३ गते मोर्चाको नीति उद्देश्य कार्यक्रम र कार्यदिशा प्रस्तुत गर्दै सबै मिलेका पार्टीहरूका नेताहरूको हैसियत समान हुने गरी मोर्चा घोषणा गर्न लागिएको हो । एक्लै एक्लै हिँडेर काहीँ पनि पुग्न नसकिने महसुस गरेर विगतमा फुटेको पाठ सिक्दै मोर्चाको तयारी गरेको यादवको भनाइ छ।