एलजी इलेक्ट्रोनिक्स सिङ्गापुर र सीजी इलेक्ट्रोनिक्सले ‘एक्सपिरियन्स एआईः अफेक्सनेट इन्टेलिजेन्स’ शोकेससहित २०२६ को उत्पादन शृङ्खला सार्वजनिक

काठमाडौं– एलजी इलेक्ट्रोनिक्स सिङ्गापुर प्रालिले सीजी इलेक्ट्रोनिक्ससँगको सहकार्यमा ‘एक्सपिरियन्स एआईः अफेक्सनेट इन्टेलिजेन्स’ प्रदर्शनीमार्फत सन् २०२६ का नयाँ कृत्रिम बुद्धिमत्तायुक्त घरायसी तथा विद्युतीय उपकरण सार्वजनिक गरेको छ ।

भदौ ४ गतेदेखि असोज १४ गते, २०८३ सम्म सञ्चालन हुने प्रदर्शनीमा कृत्रिम बुद्धिमत्तामा आधारित टेलिभिजन, ध्वनि प्रणाली, कपडा धुने मेसिन, रेफ्रिजेरेटरलगायतका अत्याधुनिक उत्पादन प्रदर्शनमा राखिएका छन् । कम्पनीका अनुसार नयाँ उत्पादनहरूले प्रयोगकर्ताको दैनिक बानी र आवश्यकताको अध्ययन गरी स्वचालित रूपमा आफूलाई अनुकूल बनाउँदै घरायसी कामलाई सरल, सहज र प्रभावकारी बनाउनेछन् ।