सूचना प्रविधि अधिकृत तामाङ १ लाख रुपियाँ घुससहित पक्राउ

काठमाडौं । नुवाकोटको म्यागङ गाउँपालिकाका सूचना प्रविधि अधिकृत वीरेन्द्र तामाङलाई अख्तियारले एक लाख रुपियाँ घुससहित पक्राउ गरेको छ ।

सूचना प्रविधि अधिकृत तामाङले भुक्तानी रकमको कमिसनमा बार्गेनिङ गर्दै पटक–पटक दुःख हैरानी दिइ घुस माग गरिरहेको भन्ने सूचनाका आधारमा अख्तियारले टोली परिचालन गरेको थियो । सेवाग्रहीसँग घुस लिइसकेको अवस्थामा पक्राउ गरेको अख्तियारले जनाएको छ ।