सेनासँगको चर्काचर्की भाइरल भएपछि सांसद पाण्डेको बचाउ- ‘तथ्य नबुझी भ्रम फैलाइयो’

काठमाडौं । गोकर्णेश्वर नगरपालिकास्थित माकलबारी-देशे सडक विस्तारका क्रममा नेपाली सेनाका अधिकारीसँग भनाभन भएको भिडिओ भाइरल भएपछि सांसद राजुनाथ पाण्डे विवादमा परेका छन् । सोमबार गोकर्ण करिडोर विस्तारका क्रममा नेपाल ट्रस्टको स्वामित्वमा रहेको पर्खाल भत्काउने विषयलाई लिएर सांसद पाण्डे र सेनाका क्याप्टेनबिच चर्काचर्की भएको थियो ।

उक्त भिडिओ सामाजिक सञ्जालमा व्यापक आलोचनाको विषय बनेपछि पाण्डेले तथ्य नबुझी भ्रम छरिएको दाबी गरेका छन् ।