बैंकिङ क्षेत्र आर्थिक रूपान्तरणको नेतृत्वदायी साझेदार बन्नुपर्छ : अर्थमन्त्री वाग्ले

अर्थमन्त्री स्वर्णिम वाग्लेले अर्थतन्त्रलाई पुनः गतिशील बनाउन बैंकिङ क्षेत्रको भूमिका निर्णायक रहेको बताएका छन् । मंगलबार वाणिज्य बैंकका प्रमुख कार्यकारी अधिकृत (सीईओ) हरूसँगको छलफलमा उनले सरकारले बजेटमार्फत आर्थिक रूपान्तरणको स्पष्ट दिशा तय गरिसकेको र अब प्राथमिकता त्यसको प्रभावकारी कार्यान्वयनमा रहेको बताए ।

उनले निजीक्षेत्रसँगको संवादपछि बैंकिङ क्षेत्रसँग छलफल गरिएको उल्लेख गर्दै बचत, लगानी, उत्पादन र आर्थिक गतिविधिको केन्द्र बैंकिङ प्रणाली भएकाले अर्थतन्त्रको वास्तविक अवस्था सबैभन्दा राम्रोसँग बैंकहरूले नै बुझ्ने बताए ।