साओमी वाच एस–५ सार्वजनिक, मूल्य ४० हजार

काठमाडौं । विश्वप्रसिद्ध प्रविधि कम्पनी शाओमीले आकर्षक डिजाइन, लामो ब्याट्री क्षमता, उन्नत स्वास्थ्य निगरानी तथा खेलकुदसम्बन्धी स्मार्ट सुविधासहितको नयाँ शाओमी वाच एस–५ ४६एमएम साओमी वाच एस फाइ ४६ एमएम सार्वजनिक गरेको छ ।

नयाँ स्मार्ट घडीमा १.४८ इन्चको एमोलेड डिस्प्ले, ४८० × ४८० पिक्सेल रिजोलुसन, ३२३ पीपीआई र २५०० निट्ससम्मको उच्च चमक रहेको छ, जसले घाममा पनि स्पष्ट दृश्य प्रदान गर्छ । स्टेनलेस स्टिल फ्रेम, विभिन्न बेजेल र स्ट्र्यापका विकल्प तथा करिब ४६ ग्राम तौलका कारण यो हलुका, आकर्षक र आरामदायी रहेको कम्पनीले जनाएको छ ।