ड्रोनसहित उच्च प्रविधिबाट सुनकोशीमा खोजी, पीडितको आन्दोलनले मध्यपहाडी लोकमार्ग अवरुद्ध

फिक्कल गाउँपालिका–२ नवलपुरमा बसको ठक्करपछि सुनकोशी नदीमा खसेको कार र त्यसमा सवार तीन जनाको खोजीका लागि नेपाल प्रहरीले ड्रोनसहित उच्चस्तरीय प्रविधिको प्रयोग गरेको छ।

सोमबार भएको दुर्घटनापछि निरन्तर खोजी जारी रहे पनि मंगलबार साँझसम्म कार तथा बेपत्ता व्यक्तिहरूको कुनै अवस्था पत्ता लाग्न नसकेको प्रहरीले जनाएको छ।