बैंकरसँग अर्थमन्त्रीको प्रश्न- सस्तो ब्याजदर हुँदा पनि कर्जाको माग किन बढेन?

अर्थमन्त्री स्वर्णिम वाग्लेले बैंकिङ प्रणालीमा रहेको अधिक तरलता उत्पादन र लगानीमा रूपान्तरण हुन नसकेको भन्दै त्यसको वास्तविक कारण खोज्न सरकार र बैंकिङ क्षेत्रबीच खुला छलफल आवश्यक रहेको बताएका छन्।

नेपाल बैंकर्स एसोसिएसनसँगको छलफलअघि आफ्नो धारणा राख्दै अर्थमन्त्री वाग्लेले ऋणको ब्याजदर ऐतिहासिक रूपमा न्यून हुँदा पनि कर्जाको माग अपेक्षा अनुसार बढ्न नसकेको विषयमा सरकार गम्भीर रहेको उल्लेख गरे।