युरोपको भीषण डढेलोले देखायो जलवायु बिमामा रहेको ठूलो खाडल

पछिल्ला महिनामा युरोपका विभिन्न भागमा भीषण डढेलो लागेको छ । जलवायु परिवर्तनका कारण बढेको प्रचण्ड गर्मीका कारण लागेको यो डढेलोको तत्कालीन क्षतिपूर्तिको अधिकांश भार निजी बिमा कम्पनीहरूले वहन गर्ने अपेक्षा छ । तर जलवायु परिवर्तनका कारण प्राकृतिक विपद् झन् बारम्बार र विनाशकारी बन्दै जाँदा त्यसको आर्थिक भार अन्ततः कसले व्यहोर्ने भन्ने प्रश्न गम्भीर बनेको छ ।

फ्रान्सभर अभूतपूर्व डढेलो फैलिँदा त्यहाँका अधिकारीहरूले करिब २ लाख २० हजार मानिसलाई सुरक्षित स्थानमा सारिसकेका छन् । स्पेन र ग्रीसमा पनि डढेलो फैलिँदा बिमा शुल्क बढ्ने तथा जलवायुजन्य जोखिमविरुद्धको बिमा सुरक्षामा रहेको खाडल अझ फराकिलो हुने चिन्ता बढेको छ ।