अर्थतन्त्र चलायमान बनाउन अर्थमन्त्रीले खोजे बैंकसँग समाधानका उपाय (सम्बोधनको पूर्णपाठसहित)

अर्थमन्त्री डा. स्वर्णिम वाग्लेले बैंकिङ क्षेत्रका प्रमुखहरूसँग अर्थतन्त्रमा देखिएका सुस्तता हटाउने र लगानीको वातावरण सुधार गर्ने उपायबारे छलफल गरेका छन्। २० वाणिज्य बैंकका प्रमुख कार्यकारी अधिकृत (सीईओ) सँग भएको छलफलमा उद्यमीको विश्वास बढाउने, लगानी विस्तार गर्ने र उत्पादन वृद्धि गर्ने विषयलाई प्राथमिकता दिइएको हो।

अर्थमन्त्री वाग्लेले मंगलबारको भेटघाटलाई औपचारिक छलफलभन्दा पनि अर्थतन्त्रलाई पुनः गति दिने साझा अभियानको अर्को चरणका रूपमा लिन बैंकका प्रमुखहरूलाई आग्रह गरे।