डाक्टरलाई बिरामीले नै किनिदिनु पर्छ ग्लब्स र मास्क

१९ साउन, काठमाडौं । वीर अस्पतालको नेतृत्व निमित्तको भरमा सीमित हुँदा सेवा प्रवाह संकटमा परेको छ । अस्पतालका एक वरिष्ठ चिकित्सकका अनुसार निमित्त निर्देशकले कुनै दीर्घकालीन वा नीतिगत निर्णय नगर्ने अडान लिएपछि अत्यावश्यक शल्यक्रियाका सामग्रीसमेत खरिद हुन छाडेको छ । त्यसको प्रत्यक्ष असर बिरामीमा परेको छ ।

ती चिकित्सकका अनुसार केही महिना यता शल्यक्रियामा प्रयोग हुने उपकरण र उपभोग्य सामग्रीको नियमित प्रतिस्थापन (रिप्लेसमेन्ट) पूर्ण रूपमा रोकिएको छ ।