भारतमा कारले मोटरसाइकललाई ठक्कर दिँदा २ नेपालीको मृत्यु

काठमाडौं । भारतमा कारको ठक्करबाट दुई जना नेपाली युवकको मृत्यु भएको छ। उत्तराखण्ड राज्यस्थित उधमसिंह नगरको नानकमत्ता क्षेत्रअन्तर्गत बिडोरा–मझोला मार्गमा भारतीय कारले ठक्कर दिँदा दुई नेपालीको मृत्यु भएको हो।

दुर्घटनामा कञ्चनपुरको दोधारा चाँदनी नगरपालिका-८ का राहुल चदारो र दोधारा चाँदनी नगरपालिका-९ का कमल खड्काको मृत्यु भएको हो। उनीहरू दुवै जना मोटरसाइकलमा भारतको राजधानी दिल्लीबाट घर फर्किंदै थिए।