मनसुन केरला पुग्यो, नेपालमा कहिले भित्रिन्छ ?

काठमाडौं । दक्षिण एसियाली क्षेत्रको मौसम र कृषि प्रणालीका लागि महत्वपूर्ण मानिने दक्षिण–पश्चिम मनसुन भारतको मुख्य भूमि केरला आइपुगेको छ। भारत मौसम विज्ञान विभाग (आईएमडी) का अनुसार सामान्य तालिकाभन्दा केही दिन ढिलो गरी जुन ४ मा मनसुनले केरला प्रवेश गरेको हो।

केरला तथा आसपासका क्षेत्रमा अनुकूल वायुमण्डलीय अवस्था र वर्षाको गतिविधि बढेसँगै मनसुन सक्रिय भएको घोषणा गरिएको छ। मनसुन भित्रिएसँगै केरला र तटीय क्षेत्रमा भारी वर्षा सुरु भएको छ भने आगामी दिनमा यो प्रणाली उत्तर तथा पूर्वतर्फ विस्तार हुँदै जाने अनुमान गरिएको छ।