म्यानचेस्टर सिटी र बर्नमाउथ बराबरीमा रोकिएपछि आर्सनल बन्यो प्रिमियर लिग च्याम्पियन

काठमाडौँ ।म्यानचेस्टर सिटी र बर्नमाउथबीचको खेल १–१ गोलको बराबरीमा सकिएसँगै आर्सनल प्रिमियर लिग च्याम्पियन बनेको छ । यससँगै आर्सनलको २२ वर्ष लामो प्रिमियर लिग उपाधिको प्रतिक्षा समाप्त भएको छ । आर्सनलले सन् २००४ पछि पहिलो पटक यो ऐतिहासिक सफलता हात पारेको हो ।

उपाधि होडमा कायम रहन म्यानचेस्टर सिटीले आफ्ना बाँकी दुवै खेल जित्नुपर्ने थियो र आर्सनलले आफ्नो अन्तिम खेल हारोस् भन्ने कामना गर्नुपर्ने थियो । तर, मंगलबार राति भएको खेलमा सिटी बर्नमाउथसँग १–१ को बराबरीमा रोकिएपछि पेप ग्वार्डिओलाको टोलीको उपाधि चुनौती समाप्त भएको छ । लिगको एक चरण बाँकी छँदै यो बराबरीले आर्सनललाई शीर्ष स्थानमा ४ अंकको स्पष्ट र सानदार अग्रता दिलायो, जसले गर्दा आर्सनल च्याम्पियन घोषित भयो ।