प्रयाङ्कको नाममा दुर्व्यवहार गर्ने दुई जना पक्राउ

काठमाडौँ । प्रयाङ्क भिडियो बनाउने नाममा दुर्व्यवहार गर्ने दुई जनालाई प्रहरीले पक्राउ गरेको छ । ‘फलो नेपाल टाइम्स’ नामक इन्स्टाग्राम अकाउण्टमा पोस्ट भएको भिडियो सामाजिक सञ्जालमा भाइरल भएपछि गृहमन्त्री सुधन गुरुङले संलग्नहरूलाई हदैसम्मको कारबाही गर्न निर्देशन दिएको जानकारी दिँदै सो अकाउण्टमा कमेन्ट गरेका थिए ।

घटनामा संलग्न दुई जना युवक रुकुम पश्चिमबाट पक्राउ परेका हुन् । पक्राउ पर्नेमा पश्चिम रुकुमको बाफिकोट गाउँपालिका वडा नम्बर–३ डार्ने घर भएका २८ वर्षीय डिल्लीबहादुर ओली र ३१ वर्षीय राजन केसी छन् । उनीहरूलाई शुक्रबार पक्राउ गरिएको रुकुम पश्चिमका डीएसपी बेद पौडेलले रातोपाटीलाई बताए ।