असार २५ सम्म सेवानिवृत्त कर्मचारीको सुविधा रकम भुक्तानी गर्न महालेखाको निर्देशन

काठमाडौं- महालेखा नियन्त्रक कार्यालयले सेवानिवृत्त हुने राष्ट्रसेवक कर्मचारीलाई उपलब्ध गराइने सुविधाबापतको रकम असार २५ गतेभित्र निकासा गरी भुक्तानी गर्न सबै कोष तथा लेखा नियन्त्रक कार्यालयलाई निर्देशन दिएको छ।

महालेखा नियन्त्रक कार्यालयका लेखा अधिकृत सुभाषचन्द्र अर्यालका अनुसार उपदान, सञ्चित बिदा र औषधि उपचारबापत पाउने रकम समयमै भुक्तानी गर्न सम्बन्धित कार्यालयहरूलाई पत्राचार गरिएको हो।