क्रिकेट विश्वकप लिग २ : त्रिविमा भिड्दैछन् शीर्ष टोली स्कटल्यान्ड र अमेरिका

काठमाडौँ- आईसीसी विश्वकप लिग २ का शीर्ष दुई टोली स्कटल्यान्ड र अमेरिका आज प्रतिस्पर्धा गर्दै छन्। कीर्तिपुरस्थित त्रिवि अन्तर्राष्ट्रिय क्रिकेट रंगशालामा विहान साढे ९ बजे सुरु हुने खेलको विजेता टोलीले प्रतियोगिता नै जित्ने सम्भावना बलियो बन्ने छ।

स्कटल्यान्ड ३१ खेलमा ३८ र अमेरिका २६ खेलमा ३६ अंक जोड्दै पहिलो दुई स्थानमा छन्। स्कटल्यान्डले ५ खेल अमेरिकाले १० खेल खेल्न बाँकी छ। सन् २०२४ बाट सुरु भएको लिग २ को तीनवर्षे साइकलमा एउटा टोलीले ३६ खेल खेल्ने छ र सर्वाधिक अंक जोड्ने टोली विजेता बन्ने छ। उपाधिका लागि हाललाई स्कटल्यान्ड र अमेरिकामात्र दाबेदार देखिएका छन्।