न्युरोडको कर्नर पोइन्ट रेस्टुरेन्टलाई २ लाख जरिवाना, पिज्जा बनाउने तेलमा मरेको साङ्ला भेटियो

काठमाडौं। काठमाडौंको व्यस्त व्यापारिक केन्द्र न्युरोडस्थित ‘कर्नर पोइन्ट रेस्टुरेन्ट एन्ड बार’मा खाद्य स्वच्छता र गुणस्तरमा गम्भीर लापरबाही फेला परेको छ।

खाद्य प्रविधि तथा गुण नियन्त्रण विभाग र वाणिज्य आपूर्ति तथा उपभोक्ता संरक्षण विभागको संयुक्त टोलीले गरेको अनुगमनका क्रममा उक्त रेस्टुरेन्टमा अस्वस्थकर अवस्था फेला परेको हो।