रुसका जेट इन्जिनयुक्त ड्रोनले युक्रेनमा मच्चाउँदैछन् तहल्का, दर्जनौँ नागरिकको मृत्यु

रुस–युक्रेन युद्ध लम्बिँदै जाँदा रुसले जेट इन्जिनयुक्त ड्रोनको प्रयोग बढाएपछि युक्रेनमा हवाई आक्रमण को जोखिम थप बढेको छ। पछिल्लो समय भएका आक्रमणमा दर्जनौँ नागरिकको मृत्यु भएको युक्रेनले जनाएको छ।

युक्रेनी वायुसेनाका प्रवक्ता युरी इहनातका अनुसार अगस्टमा रुसले करिब २ हजार ८ सय जेट इन्जिनयुक्त ड्रोन प्रहार गरेको थियो। जुलाईमा यस्तो ड्रोनको संख्या करिब १ हजार ५ सय थियो।