सत्तारुढ दलको लहडमा संविधान संशोधन हुँदैन

सरकारद्वारा गठित संविधान संशोधनका लागि बहस पत्र तयार कार्यदलको प्रक्रिया र कन्टेन्ट दुई वटैमा नेपाली कांग्रेसको असहमति छ । किनभने संविधान संशोधन भन्ने कुरा सत्तारुढ दलको मात्रै विषयवस्तु होइन । सत्तारुढ दलले प्रक्रिया प्रारम्भ गर्नेमात्रै हो, कन्सर्नको विषय पनि होइन । त्यही भएर संविधान निर्माण गर्दाखेरि जुन महत्त्व छ । १० वर्षसम्म संविधान कार्यान्वयन गर्दा देखा परेका अप्ठ्याराहरू, यसमा गर्नुपर्ने संशोधनका विषयवस्तु भनेको उत्तिकै महत्त्वपूर्ण छ ।

हाम्रो परम्परा संविधान संशोधन गर्दाखेरि विश्वसनीय संरचनाको निर्माण हुनुपर्छ भन्ने हो । विश्वसनीय संरचना निर्माणको कुरा विगतका अभ्यास पनि छन् । पहिलो कुरा, पूर्वप्रधानन्यायाधीश वा पूर्वन्यायाधीशको अध्यक्षतामा अयोग गठन गर्ने अभ्यास छ । दोस्रो कुरा, २०७२ सालमा बनेको संविधान स्वीकार गरेरै निर्वाचनमा भाग लिएर अहिलेको सरकार बनेको हो ।