सामसङ इलेक्ट्रोनिक्समा १८ दिने हड्ताल घोषणा, चिप उत्पादन प्रभावित हुने चिन्ता

काठमाडौं । दक्षिण कोरियाको सामसङ इलेक्ट्रोनिक्समा श्रमिक युनियन र व्यवस्थापनबीच बोनस भुक्तानीसम्बन्धी वार्ता असफल भएपछि कर्मचारीहरूले बिहीबारदेखि १८ दिने पूर्ण हड्ताल गर्ने घोषणा गरेका छन् ।

युनियन नेताहरूका अनुसार मध्यस्थतामार्फत सहमति जुटाउने प्रयास विफल भएपछि पूर्वनिर्धारित कार्यक्रमअनुसार हड्ताल अघि बढाइने भएको हो । यसले विश्व बजारमा बढ्दो अभाव झेलिरहेको मेमोरी चिप उत्पादनमा थप अनिश्चितता सिर्जना गर्ने अनुमान गरिएको छ ।