तीन दशकपछि घरेलु मैदानमा खेल्दै अमेरिका, पहिलो खेलमा पाराग्वेसँग भिड्दै

काठमाडौँ । विश्वकप फुटबल २०२६ को सह–आयोजक अमेरिकाले आफ्नो विश्वकपको यात्रा सुरुवातमा चिरपरिचित प्रतिद्वन्द्वी पाराग्वेविरुद्ध खेल्दैछ । यो खेल अमेरिकाको क्यालिफोर्नियास्थित सोफाइ स्टेडियममा नेपाली समय शनिबार बिहान ६:४५ मा सुरु हुनेछ ।

तीन दशकभन्दा बढी समयपछि अमेरिकाले पहिलो पटक घरेलु भूमिमा विश्वकप खेल्न लागेको हो । हजारौँ घरेलु दर्शकको समर्थनबीच अमेरिकी टोलीमाथि उत्कृष्ट प्रदर्शन गर्ने दबाब छ । सन् १९९४ को घरेलु विश्वकपमा अन्तिम १६ बाट बाहिरिएको अमेरिका यसपटक त्योभन्दा अगाडि बढ्ने लक्ष्यमा छ ।