पूर्वराष्ट्रपति भण्डारी प्रमुख अतिथि रहने कार्यक्रममा ओली, प्रचण्ड, नेपाल र खनाल अतिथि

काठमाडौं । पूर्वराष्ट्रपति विद्यादेवी भण्डारी प्रमुख अतिथि रहने गरी मदन भण्डारी फाउन्डेसनले आयोजना गर्ने एक कार्यक्रममा चार पूर्वप्रधानमन्त्री एकसाथ अतिथिका रूपमा सहभागी हुने भएका छन् ।

मदन भण्डारीको ७५औँ जन्मजयन्तीका अवसरमा फाउन्डेसनले यही असार १४ गते काठमाडौंको राष्ट्रिय सभागृहमा आयोजना गर्ने ‘नेपालको कम्युनिस्ट आन्दोलन र जननेता मदन भण्डारी’ विषयक राष्ट्रिय गोष्ठीसहितको विशेष समारोहमा उनीहरू सहभागी हुन लागेका हुन् ।