नेपालले ६८ रनको लक्ष्य हासिल गर्न गुमायो ८ विकेट, मलेसियामाथि सकसपूर्ण जित

काठमाडौँ- नेपाल र मलेसियन महिला टोलीबीचको पहिलो टी २०आई खेलमा नेपालले जित हासिल गरेको छ। मलेसियाले दिएको ६८ रनको लक्ष्य नेपालले १७.३ ओभरमा ८ विकेटको क्षतिमा पूरा गर्दै २ विकेटको जित निकालेको हो। सम्झना खड्काले ३२ रन बनाइन् भने रुबी पोद्दारले १५ रन बनाइन्। कविता जोशीले ६ रन बनाइन्।

मलेसियाका लागि नूर कलिसाले ४ ओभरमा २१ रन दिएर ३ विकेट लिइन्। आइसा एलिसा र एल्सा हन्टरले २-२ विकेट लिए। त्यसअघि टस जितेर पहिले ब्याटिङ गरेको मलेसियाले १६.५ ओभरमा अलआउट हुँदै ६७ रन मात्र बनाएको हो।