आक्रोशित माइती पक्षले गरे घरमा तोडफोड, मध्यरातमा अवस्था तनावग्रस्त

बर्दिबास : महोत्तरीको बर्दिबास नगरपालिका -१२ एक विवाहित महिलाको मृत्यु भएपछि माइती पक्ष र गाउँलेले घरमा तोडफोड गरेका छन् । शुक्रबार राती ८ बजेको समयमा आक्रोशित भीडले घरमा पार्क गरेको कारमा आगो लगाएका थिए । एक मोटरसाइकल र स्कुटिमा तोडफोड गरेका थिए । प्रहरीले आगलागी नियन्त्रणमा लिएका थिए । घरका सबै सरसमान निकालेर फालेका थिए ।

जिल्ला प्रहरी कार्यालय महोत्तरीका डिएसपी पन्चलाल गोलेले बर्दिवास नगरपालिका - १२ डाँडाटोलका शशी सिंहको श्रीमती रिंकु कुमारी सिहं आफू सुत्ने कोठामा पंखा झुण्डयाउने सिलिङमा सलको पासो लगाएर झुण्डिएको अवस्थामा फेला परेको जनाएका छन्। उनले घटनाको अनुसन्धान भइरहेको बताए।